Bakhsh dey chahey tu abb chahey dey saza

Bakhsh dey chahey tu abb chahey dey saza
dekhna hai tera dil bara hai ya meri khata

chodhaween ki raat ko aasmaa'n hai haira'n sochta
uss ka chand zayada haseen hai ya meri dilruba

mere dil se itra ker uss ki aankh ne kaha
abb bol kaargar hai kon? tera ishq ya meri ada

hijr mein tarap ker dua-e-wasl mangi to hai
dekhiye palatt ker aata hai wo... ya meri dua

shehr-e-intazar ke in raston per pehlay dekhiye
meri nigah damm torti hai ya meri sada

mujhko tarapta dekh ker charagar ne rabb se kaha
ghao bharen gay iss ke pehlay ya meri nigah ??

bana ker yaar dard ko tere ye aazmana hai
teri jafa zinda rahey gi ya meri wafa

aaj aakhri shab hai, aaj faisla ho ga
pehlay milnay aata hai tu ya meri qaza