مثالِ ذرّۂ بے مایہ لختِ صحرا ہوں
اسی سبب سے شہِ تاج و تختِ صحرا ہوں
اسی سبب سے شہِ تاج و تختِ صحرا ہوں
میں بازگشت ہوں شاید کسی بگولے کی
بھٹک رہا ہوں کہ صوتِ کرختِ صحرا ہوں
صدا جرس کی، کہیں نقشِ پائے ناقہ ملا
تلاش میں ہوں کسی کی، میں بختِ صحرا ہوں
مری دعا میں طلب ہے کسی سمندر کی
’’نظر ہے ابرِ کرم پر درختِ صحرا ہوں‘‘
مری نظر میں ہے اے سعدؔ شامِ کرب و بلا
میں آشنائے شبِ راہِ سختِ صحرا ہوں
٭٭٭
No comments:
Post a Comment