Tuesday, July 16, 2013

hitaa-e-pak bachana hi pare ga humko


خطۂ پاک بچانا ہی پڑے گا ہم کو
 اپنا گھر بار لٹانا ہی پڑے گا ہم کو 

کب تلک مرتے رہیں گے یونہی فرداً فرداً
 سر ہتھیلی پہ اٹھانا ہی پڑے گا ہم کو 

جتنا روئیں گے ہم اتنا ہی ہنسیں گے دشمن
 صفِ جنگاہ میں آنا ہی پڑے گا ہم کو 

اک اُجالا ہے ضروری کہ شبِ تار مٹے
دلِ صد چاک جلانا ہی پڑے گا ہم کو 

اب ضرورت ہے کہ پھر نعرۂ تکبیر لگے
سعدؔ یہ نعرہ لگانا ہی پڑے گا ہم کو
٭٭٭

No comments:

Popular Posts