Saturday, July 21, 2012

Karobar e gham e duniya bhi nahin chootta hai

Karobar e gham e duniya bhi nahin chootta hai
teri yadon ka tasalsul bhi nahin toot'ta hai

be-satooN harf e dua lab pe uthaaye rakhna
aasmaaN khak nasheenoN pe bohat toot'ta hai

jism aur rooh main hayl hai zameeN ki khushbu
warna aasaani se ye sath kahaN choot'ta hai

dab gai mal e ghaneemat hi main awaz e jaras
kon khaimooN se ye asbab e safr loot'ta hai

nafa'a e jaaN jisy hum day k bohut khush thay Saleem
ab ussi shaakh se mousam ka ziyaaN phoot'ta hai

No comments:

Popular Posts