Friday, April 15, 2011

Tum Ne Poocha Hai ke Dukh kiya Hota Hai


Tum Ne Poocha Hai ke Dukh kiya Hota Hai
To Suno.....
Aisa Karna
Kabhi kisi ko Chahna
aur Chahate Hi Rehna...
Din Bher uss ko Sochte hi Rehna....
Apne Haath ki Lakeeron mein uss ka Naam Tarashte hi Rehna...
aur Jab kabhi Wo,
in Riyazaton ka Hisaab Mangne ke Liey,
samne aaey to .......
Tum "ANAA" ka Hath Thaam Lena.
Ager Wo kuch kahey to,
Muskura ker Anjaan Ban Jana.
Aur Jab Wo Mayoos Ho ker Laut Jaey to...

Apne Ander Jhankna,
aur,
Khud se Poochna .....
Tab Tumhara Dil Tumhain Bataey ga,
Ke....
Dukh kisko kehtey Hain.
aur...
Dukh kiya Hota Hai.

No comments:

Popular Posts