Sunday, December 12, 2010

Yeh Jo Hum Apnay Hi Dil Ki Madham Sada Se Aagey Nikal Gaye Hain


Yeh Jo Hum Apnay Hi Dil Ki Madham Sada Se Aagey Nikal Gaye Hain
Sma’atien Kho Gaien Hain Ya Phir Hawa Se Aagey Nikal Gaye Hain

Jali Hoii Sard Ungliyoun Se Sanam Kaday Kar Deye Hain Roshan
KHUDA Ke Kuch Bakmaal Banday KHUDA Se Aagey Nikal Gaye Hain

Hum Ab Kissi Azeem Chahat Ke Surkh Rastay Pe Gaamzan Hain
Muqaam E Ajar O Sawaab Guzra Saza Se Aagey Nikal Gaye Hain

Aey Husan Ke Lazwaal Sooraj Tu Ab Inhien Dhoop De Ke Chaaon
Terii Mohabbat Ke Rahii Teri A’ata Se Aagey Nikal Gaye Hain

Meray Leye Ab Yeh Teray Sajday Ye Teray Aansoo Fazool Sha’e Hain
Meri Tabahii Ke Silsilay Ab Dua Sey Aagey Nikal Gaye Hain

Raza O Tasleem Ke Karray Imtehaan Mein Aey Khaaliq E Do-Aalam
Fraat Ke Ghasibaoun Se Teray Yeh Pyasay Aagey Nikal Gaye Hain

No comments:

Popular Posts