Tuesday, December 7, 2010

Teri haakim se agar yaari hai


Teri haakim se agar yaari hai
Jaan lay sher ki sawari hay

Surkhiyan zard nazar aati hain
badgumaanon ki ye beemaari hay

Besamar tan ke khade hain ashjaar
baasamar hi main inkisaari hai

Usko har qowm kahegi apnaa
hilm hai jismain burdubaari hay

Neki dushman se! kathin hai, lekin
eik isi kaam main sardaari hai

Talkh Sadiq ki sadaaqat hay magar
uski talkhi main hi bedaari hay

No comments:

Popular Posts