Friday, December 24, 2010

Karta Hun Jamaa Mai To Bikharti Hai Zaat Aur


Karta Hun Jamaa Mai To Bikharti Hai Zaat Aur
Baqi Hai Kitni Ae Mere Maula, Yeh Raat Aur

Leti Hai Jalti Shaam Bhi Bujhne Mai Kuch To Waqt
Hai Aadmi Sa Koi Kahan Be-Sabaat Aur

Selaab Jese Leta Hai Deewar Ke Qadam
Karta Hai Gham Bhi Dil Se Koi Vaardaat Aur

Yun To Hazoor-E-Paak(Saw) Ke Laakhon Hain Madah-Khuaah
Taaib Si Likh Raha Hai Magar Kon Naat Aur

Mazhar, Azal Ke Husn Ke Amjad Hain Be-Shumaar
Lekin Jo Dekhiye To Hai Barish Ki Baat Aur

No comments:

Popular Posts