Friday, December 10, 2010

Jo tum aao’ge phir aankhoN k darya num naheeN hongey


Jo tum aao’ge phir aankhoN k darya num naheeN hongey
khuda shahid hai sub kuch hoga laikiN hum naheeN hongey

yaqeen jano tumhari qurbataiN bhi hashr dhayen gee
K armanoN k aanga’rey to hargiz kam naheeN hongey

ghamoN ki ta’an tootay gee na ubhray gee na phayle gee
ye hai saaz-e-mohabat is mein zer-o-bum naheeN hongey

tumhari yaad se khelaingey tanhai ki mehfil meiN
wohi urtey huwe lamhey jo sirf-e-ram naheeN hongey

mera maslak khuloos-e-ishq ka mafhoom rakhta hai
mere sagar mein sub kuch hoga laikin sum naheeN hongey

wafa ne ek hayat-e-mustaqil hum ko aata ki hai
k hum zinda raheinge garche baqi dum naheeN hongey

No comments:

Popular Posts