Friday, December 24, 2010

Har shaakh chaman ki jal rahi hai


Har shaakh chaman ki jal rahi hai

Kiya baad-e-muraad chal rahi hai

Hum hain keh fareb kha rahe hain

Duniya hai ke chaal chal rahi hai

Yun dil mai hai teri yaad jese

Weeraane mai aag jal rahi hai

Rukh pher liya hai jab se tu ne

Duniya ki nazar badal rahi hai

Dar’pesh hai aaj bhi wo surat

Jo surat-e-haal kal rahi hai

Itni bhi Faraz bad-dili kiya

Sambhlo! Keh fiza badal rahi hai

No comments:

Popular Posts