Sunday, December 12, 2010

Haakim-e-shehar bata ! Waqt kay shikanjon ne


Haakim-e-shehar bata !
Waqt kay shikanjon ne
Khuwahishon ke pholoon ko
Noch Noch Torra hai…….

kiya yeh zulm thora hai?

Dard ke jazeeron ne
Aarzoo ke jeewan ko
Maqbroon main dala hai
Zulmaton ke deray hain…..

log sab luteray hain

Maut rooth baithi hai
Zaat Raiza Raiza hai
Zindagi tere hathon
Pamaal hai janaan……

ik sawal hai janaaan!

Kaisay maan loon jeewan?
Saans hi nahin koi
Karb karb lamhay yeh
Baar baar dastay hain……

log hum pe hanstay hain

Taar Taar Aanchal hai
Dard Dard jeewan hai
Shabnami si palkain hain

Qurb hai na doori hai ….

Zindagi adhooori hai

Ab yaqeeen aaya hai ….

Maut bhi zaroori hai…!

No comments:

Popular Posts