Wednesday, December 29, 2010

Chal para hay yeh safar Mushkalain aatee hain aksar



Chal para hay yeh safar
Mushkalain aatee hain aksar

Yoon baton say naa jaye gee
Qomon kee taqdeer sanwar

Inqilaab jab bhee aataa hay
Kat jaatey hain bohat say sar

Adu ! yeh Pakistan Hay
Shohdaa kee janon kaa samar

Yeh kab aur kaisey badley gaa
Islaam hay es kaa mahwar

Hum nay seenchaa hay es ko
Quaid nay boyaa thaa yeh shajar

Kaat kay rakh dain gay woh haath
Jo kaatney aain es kee jar

Qatal , Gharat garee to hay
Manzil pay pohanchain gay magar

Har simat aman o mohabat hay
FAISAL tum dekho gay yeh manzar

No comments:

Popular Posts