Sunday, December 26, 2010

Bijliyan hosh per gira hi dey


BijliyaN hosh per gira hi dey
Aaj perda sanam utha hi dey

Piyas bujhti naheeN hay saghir sey
Mere saqi mujhey surahi dey

Ab koi lot ke na aaey ga
aas ke sab diye bujha hi dey

sab sey kertey raho bayaN us ka
us ko shayad koi bata hi dey

mey kadey ki kabhi tow aey saqi
may kashoN ko bhi serbarahi dey

Khud hi qatil baney haiN munsif bhi
kon ab qatl ki gawahi dey

apna hi mulk jo fateh ker leN
ham ko aisey na ab sipahi dey

Kaisa sooraj tulu hua hay Qamar
din meiN jo raat ki siyahi dey

No comments:

Popular Posts