Tuesday, November 30, 2010

jaane kyaa hogaa har ik dil ko ye dhaRhka kyaa hai?


jaane kyaa hogaa har ik dil ko ye dhaRhka kyaa hai?
door tak phailaa huaa Khauf kaa saayaa kyaa hai?

bahar-o-bar vaadii-e-saharaa meN hai halchal kaisii?
ye ufuq-ta-b-ufuq shor-saa barpaa kyaa hai?

bain kartii hu_ii chaltii hai hawaa kyoN sar-e-shaam?
dil kaa maaraa ko_ii raatoN ko sisaktaa kyaa hai?

kyaa hai ye soz-e-darooN jis se sulagtaa hai badan?
jo baRhaktaa hai dil-o-jaaN meN vo sholaa kyaa hai?

dam-b-dam uThatii haiN kis yaad kii lahreiN dil meN?
dard rah-rah ke ye karvaT-sii badaltaa kyaa hai?

kaisii talKhii hai ki nas-nas meN basii jaatii hai
zahar-sa ko_ii rag-o-pai meN utartaa kyaa hai?

bujh gayii shamm-e-nazar jab vo chehraa chamka
dil jo Dooba to ab chaaNd-saa niklaa kyaa hai?

No comments:

Popular Posts