Friday, August 13, 2010

tamam shab yunhi dekhaingi soo e dar ankhain


tamam shab yunhi dekhaingi soo e dar ankhain
tuje ganva k na soyengi umr bhar ankhain

tulo e subah se pehley hi bujh na jayen kahin !
yeh dasht e shab mein sitaron ki humsafar ankhain

sitam yeh kam to nahi dil giraftagi k liye !
main shehar bhar mein akaila, idher udher ankhain

shumar uski sakhafat ka kia karain k vo shakhs
chiraag baant'ta phirta hai cheen kar ankhain

voh paas tha to zamaney ko dekhti hi na thein
bicher geya to huyen phir se darbadar ankhain

abi kahan tuje pehchan'ney ki zid kijey
abi to khud se b thehri hain beykhaber ankhain

main apney ashak bacha luunga kis tarha Mohsin ?
zamana sang bakaf hai to sheeshagar ankhain

1 comment:

nigah said...

osm poetry n suprb picz ((:

Popular Posts