Saturday, August 28, 2010

Sehra ne meri zat ka sehra nahi dekha


Sehra ne meri zat ka sehra nahi dekha
dariya koi bhi aankhon se gehra nahi dekha

jo shakh mutabar lage wo khokli mile
dukh iss se bhi badh kar koi gehra nahi dekha

auncha koi pahad ho ya aasman ho
pani main koi aks bhi tehra nahi dekha

dekha tha itefaq se suraj ko iss ke bad
aankhon ne koi khuwab sunehra nahi dekha

dariya ki tarah aankhon ki jo pias bujhata
jalti hoi aankhon ne wo chehra nahi dekha

sehra ki tashnagi pe he heran wo kanwal
dariya ne kabhi pias pe pehra nahi dekha

No comments:

Popular Posts