Terey ahsas ko zanjeer bhi kar sakte thay
soch le ham tujhe tas-kheer bhi kar sakte thay
ye alg baat k bas dil mai chhupaye rakkha
qiss e dard ki tash-heer bhi kar sakte thay
itne manoos thai ikk darr se k socha na gaya
ikk naye ghar ko ham taa-meer bhi kar sakte thay
kiss liye tuney bhare shehr ko barbaad kiya
kaam ye terey anaa-geer bhi kar sakte thay
tum se mumkin na huwa mujhse mohabat karna
mausam e wasl ko taqdeer bhi kar sakte thay
dil hamesha hee raha tark o talab ki had tak
warna harr khab ko ta-beer bhi kar sakte thay
No comments:
Post a Comment