Tere Dil Mein Jo Be-Buniyaad Wehmon Ka Ghubaar Utha,
Tera Mujhse, Mera Chah-O-Wafa Se Aitbaar Utha,
Ke Roz-E-Hashr Na Denge Tumhe Ilzaam, Thani Thi,
Magar Dil De Gaya Dhoka, Tumhe Dekha Pukaar Utha,
Na Aaya Jab Koi Is Dilki Chaarah-Saaziyaan Karne,
To Phir Seene Mein Mere Dard, Banke Gam-Gusaar, Utha,
Sehel Kar Di Har Ek Mushkil Hamari Zindagani Ki,
Junoon Jab Dilke Tool-O-Arz Mein Deewana-Waar Utha,
Tabiyat Mein Udaasi Si Ajab Dilne Paayi Thi,
Zara Jo Koi Iske Paas Baitha, Sogwar Utha...
No comments:
Post a Comment