Saturday, July 24, 2010

Sunana Chahti Hoon Ek Kahani Apni Aankhon Ki


Sunana Chahti Hoon Ek Kahani Apni Aankhon Ki,
Ke Teri Yaad Mein Kaise Ye Aankhein Bheeg Jaati Hai,

Tumhari Yaad Aankho Mein Liye Jab Bhigti Hoon Main,
Badan To Khushk Rehta Hai Ye Aankhein Bheeg Jaati Hai,

Ye Do Aankhein Jo Hai Ek Mein Hasi Ek Mein Aansu,
Magar Tanhayi Mein Dono Ye Aankhein Bheeg Jaati Hai,

Jise Rota Hua Dekha Nahi Karti Thi Ye Aankhein,
Wo Aankhein To Bahut Hai Khush Ye Aankhein Bheeg Jaati Hai,

Ye Meri Aankh Hai Ke Jheel Ka Behta Koi Paani
Khushi Ki Baat Bhi Sun Luye Aankhein Bheeg Jaati Hai,

Chhupa Rakhi Hai Ek Tasveer Teri Kabse Is Dilne,
Ye Jab Bhi Yaad Karta Hai Ye Aankhein Bheeg Jaati Hai,

Tumhare Naam Ka Kaajal Lagaya Jabse In Aankhone,
Tumhara Naam Bhi Sunkar Ye Aankhein Bheeg Jaati Hai,

Guzaare The Kabhi Ek Sath Jo Khushiyon Ke Pal Humne,
Wo Lamha Yaad Aata Hai Ye Aankhein Bheeg Jaati Hai,

Bade Aasan Lafzon Se Khuda Hafiz Kaha Tumne,
Tumhe Malum Bhi To Tha Ye Aankhein Bheeg Jaati Hai,

Jo Sunta Hai Meri Ye Daastan Wo Mujhse Kehta Hai,
Aye Patthar Teri Kahani Sunke Aankhein Bheeg Jaati Hai...

No comments:

Popular Posts