Shola-e-ishq bujhana bhi nahi chahta hai
Woh magar Khud ko jalana bhi nahi chahta hai
Usko manzoor nahi hai meri gumraahi bhi
Aur mujhe raah pe laana bhi nahi chahta hai
Sair bhi jism kay sehraa ki Khush aatii hai magar
Dair tak Khaak uRana bhi nahi chahta hai
Kaise uss shuKhss sey tabeer pey israar karein
Jo koi khawaab dikhaana bhi nahi chahta hai
Apne kis kaam mein laayega batata bhi nahi
Humko auroN pe ganwaana bhi nahi chahta hai
Mere lafzoon mein bhi chhuptaa nahi paikar uska
Dil magar naam batana bhi nahi chahta hai
No comments:
Post a Comment