Sunday, July 4, 2010

Raah-e-talib mein kon kisi kaa, apne bhi begaane hain



Raah-e-talib mein kon kisi kaa, apne bhi begaane hain
Chand sey mukhre rashk-e-Ghazlaan sab jaane pehchane hain

Uff yeh talaash-e-husn-o-haqeeqat kis jaa thehrein jaayein kahan
Sehan-e-chaman mein phool khiley hain sehra mein deewane hain

Tanhayi hi tanhayi hai kaise kahein kaise samajhayein
chashmo-o-lab-o-rukhsaar ki tah mein Rooho'on kay viraaney hain

Apne wujood ki mastii sey hamari needon ke ahwaal na pooch
Qadam qadam par ched Khirad se nafs nafs may'khane hain

Dil aakhir thak haar kay yaaro ham ne bhi tasleem kiya
Apni zaat se ishq hai sacha baaqi sab afsaney hain

No comments:

Popular Posts