Thursday, July 8, 2010

Muddat mein wo phir taaza mulaqaat ka aalam


Muddat mein wo phir taaza mulaqaat ka aalam
khamosh adaaien wo jazbaat ka aalam

aaariz say dhalaktay howaye shubnam kay wo qatray
aankhoun say chalaktee howee barsaat ka aalam

nazroun he nazroun mein wo sawalaat ki duniya
aankhoun he aankhoun mein jawabaat ka aalam

Allah ray wo shiddat-e-jazbaat ka aalam
aankhoun say kehtee howee har baat ka aalam

muddat mein wo phir taaza mulaqaat ka aalam
khamosh adaaien wo jazbaat ka aalam....

No comments:

Popular Posts