Mohabbat soz bhi hai saaz bhi hai
Khamoshi bhi hai awaaz bhi hai
Nasheman kay liye betaab taa'iir
Wahan pabandi-e-parwaaz bhi hai
Khaamoshi pey bharosa karne walo
Khaamoshi gham ka ghamaz bhi hai
Meri Khamoshi-e-dil par na jaao
Kay iss mein Rooh ki awaz bhi hai
Dil-e-begana-Khuu, duniyaa mein tera
koi hamdam koi hamraaz bhi hai
Hai meraaj-e-Khirad bhi arsh-e-azeem
Junoon ka farsh-e-paa andaaz bhi hai
No comments:
Post a Comment