Main kab kahta hoon woh acha bohut hai
Magar uss ne mujhe chaha bohut hai
Khudaa iss shaher ko mahfuz rakhe
Yeh bacho'on ki tarah hansta bohut hai
Main har lamhe mein sadiyaan dekhta hoon
Tumhare saath aik lamha bohut hai
Mera dil baarisho'on mein phool jaisaa
Yeh bacha raat mein rota bohut hai
Woh ab laakho'on dilon se khelta hai
Mujhe pehchan le, itnaa bohut hai
No comments:
Post a Comment