Saturday, July 3, 2010

Koi Baat Aisi Kia Karo, Koi Lafz Aisa Kaha Karo


Koi Baat Aisi Kia Karo, Koi Lafz Aisa Kaha Karo
Milay Jis Say Dil Ko Qarar Sa, Koi Shair Aisa Parha Karo

Na Hi Dukh Main Is Ko Rakha Karo, Kabhi Sukh Bhi Is Ko Dia Karo
Yeh Udaas Hai Kaiey Roz Say, Merey Dil Main Aa K Raha Karo

Jo Kathan Kathan Say Hain Rastay, Yeh Sabhi Hain Kion Merey Wastay
Yeh Jo Jal Raha Hoon Main Aag Main, Kabhi Tum Bhi Is Main Jala Karo

Abhi Tak Tumhari Hi Aas Hai, Merey Dil K AB Bhi Tu Paas Hai
Hai Yeh Dil Tumharey Hisaar Main, Is Main Meri Jaan Raha Karo

Mera Din Ho Ya Meri Raat Ho, Faqat Ek Tumhari Hi Baat Ho
Abhi Jaisey Tum Merey Sath Ho, Yohn Hi Merey Sath Raha Karo

No comments:

Popular Posts