Saturday, July 10, 2010

Khatm shab-e-qissaa-e-muKhtasir na huii



Khatm shab-e-qissaa-e-muKhtasir na huii
shamaa gul ho gaii sahar na huii

roii shabanam jalaa jo ghar meraa
phuul ke kam haNsii magar na huii

hashr mein bhii vo kyaa milenge mujhe
jab mulaaqaat umr bhar na huii

aaiinaa dekh kar ye kiijiye shukr
aap ko aap kii nazar na huii

sab the mahafil mein un kii mahv-e-jamaal
ek ko ek kii Khabar na huii

saiNkaron raat ke kiye vaade
un kii raat aaj tak "Qamar" na huii

No comments:

Popular Posts