Saturday, July 24, 2010

Justuju Khoye Huwon Ki Umaron Bhar Karte Rahe


Justuju Khoye Huwon Ki Umaron Bhar Karte Rahe,
Chand Ke Humrah Hum Har Shab Safar Karte Rahe,

Raaston Ka Ilam Tha Humko Na Simaton Ki Khabar,
Sheher-E-Namaloom Ki Chahat Magar Karte Rahe,

Humne Khud Se Bhi Chhupaya Aur Saare Sheher Ko,
Tere Jaane Ki Khabar Deewar-O-Dar Karte Rahe,

Wo Na Aayega Hamein Malum Tha, Us Shaam Bhi,
Intezaar Uska Magar Kuch Soch Kar Karte Rahe,

Aaj Aaya Hai Hamein Bhi Un Udano Ka Khayal,
Jinko Tere Zaem Mein Be Baal-O-Par Karte Rahe...

No comments:

Popular Posts