Dard ko ashk bana'ne ki zaroorat kya thi ?
Tha jo iss dil mein, dikhanay ki zaroorat kya thi?
Humne jo kuch bhi kiya, apni muhobbat main kiya
Go samnjhte hain kay zamaney ki zaroorat kya thi
Ho jo chahat tu tapak parti hai ankhoon se
Ay mere dost, bataney ki zaroorat kya thi?
Itne hasas hain, sansoon se pighal jatay hain
Bijliyan hum pe giraney ki zaroorat kya thi?
Hum tu pehle hi tere huq mein tehi' dust nazar aye
Aise ghayal pe nishanay ki zaroorat kya thi ?
Aisa lagta hai kay kamzor bohut hai tu bhi
Jeet kar jashan mana'ney ki zaroorat kya thi ?
Syed ankhoon se hai shikwa na hi dil se koi
Naqsh paani pe bana'ney ki zaroorat kya thi?
No comments:
Post a Comment