Tuesday, June 22, 2010

Woh Shaks Ke Jis Se Main Mohabbat Nahi Karta


Woh Shaks Ke Jis Se Main Mohabbat Nahi Karta,
Hansta Hai Mujhe Dekh Kar, Nafrat Nahi Karta,

Pakra He Gaya Hon Tu Mujhe Daar Per Khincho,
Saccha Hon Magar Apni Wakalat Nahi Karta,

Kiun Bakhsh Dia Mujh Se Gunahgaar Ko Moula,
Mansaf Tu Kisi Se Bhi Riayat Nahi Karta,

Kis Qoum Ke Dil Main Nahi Jazbaat-e-Ibrahim,
Kis Mulk Pe Numrood Hukumat Nahi Karta,

Daitain Hain Ujalay Mere Sajdoon Ki Gawahi,
Main Chup Ke Andheron Main Ibadat Nahi Karta,

Duniya Main Qateel, Us Sa Munafiq Nahi Koi
Jo Zulm Tu Sehta Hai, Bagawat Nahi Karta

No comments:

Popular Posts