Saturday, June 26, 2010

Meri nazar mai apni nazar baar baar rakh


Meri nazar mai apni nazar baar baar rakh
ik teer dil, jigar k hamesha hi paar rakh

Dharkan Per Apni Kuch Bhi To, Tu Ekhtiyar Rakh
Aye Beqraar Dil Too Zara To Qaraar Rakh

Sarchashma Terey Dil Mein Muhabbat Ka Hai Agar
Sookhay Har Aik Hount Pey Aansoo Ki Dhaar Rakh

Aye Maut Zindagi Ka Abhi Haath Main Hai Haath
Thamoonga Tera Haath Bhi, Tu Aitbaar Rakh

Dil Mein Nahin Jo Ishq To Kaa'hey Ki Bandaagi
Sajday Mein Apnay Sar Ko Agarchey Hazaar Rakh

Kaaba Agar Nahin To Isay Butkada Bana
Dil Mein Khuda Ki Yad, Ya Tasveer-e-Yaar Rakh

Hamlay Shadeed Hoon'gey Anaa Key "Khateeb" Phir
Qaayem Khudi Key Gird Khuda Ka Hisaar Rakh

No comments:

Popular Posts