Saturday, June 12, 2010

Mere khawabon k gulshan main khizain raqs karti hain


Mere khawabon k gulshan main khizain raqs karti hain
mere honton ki larzish main wafain raks karti hain

mjhe wo lakh tarpae magar us shakhs ki khatir 
mere dil k andheron main duain raqs karti hain

use kahna k lout aye sulagty shaam se pehle
kisi ki khushk ankhon main duain raqs karti hain

nikalta hai pari chehra kabhi jab raat ko yaro
andheray toot jate hain ziyain raqs karti hain

utarta hun kabhi jab main kitabon k samander main
kisi ki khawabidah chehray ki adain raqs karti hain

khuda janay kashish kaisi hai uski yadon main 
main uska zikr cheroon to hawain raqs karti hain

1 comment:

anam said...

I just love this ghazal. Yours is the biggest version i've ever found;i hope it's complete. Thanks alot for sharing.

Popular Posts