Saturday, June 26, 2010

kyaa sarokaar ab kisii se mujhe


kyaa sarokaar ab kisii se mujhe
vastaa thaa to thaa tujhii se mujhe

behisii kaa bhii ab nahii.n ehasaas
kyaa huaa terii beruKhii se mujhe

maut kii aarazuu bhii kar dekhuu.N
kyaa ummiide.n thii zindagii se mujhe

phir kisii par na aitabaar aaye
yuu.N utaaro na apane jii se mujhe

tera Gam bhii na ho to kyaa jiinaa
kuchh tasallii hai dard hii se mujhe

kar gaye kis qadar tabaah
dushman, andaaz-e-dostii se mujhe

No comments:

Popular Posts