Sunday, June 27, 2010

is tarah us se gufttugu karta aaina us ke rubaroo karta


is tarah us se gufttugu karta
aaina us ke rubaroo karta

mujh ko apni hi aarzoo na rahi
aur kya tark e aarzoo karta

hur qadam per ulajh ke kaanton se
apne daaman ko kya rafoo karta

mujh ko maloom tha woh mera nahi
kis liye us ki justujoo karta

kaash aata woh pal ibadat mein
dil mera sirf "tu hi tu" karta

woh jo mil jata aik baar mujhe
apni chahat ko sarkhuroo karta

haal e dil us ko sunata ""
woh agar mujh se guftugoo karta...

No comments:

Popular Posts