hamein
jis zameen par utaaraa gayaa hai
kaheen
parvaton kee hai oonchaaee ismein
kaheen
vaadiyon-see hai neechaaee ismein
yahaan se
jo aakaash kaa faasalaa hai
kaheen se hai chhotaa
kaheen se barhaa hai
kisee ke qadam-do-qadam par sitaare
kisee ko
sadaa yoon hee chalnaa parhaa hai
issee door-o-nazdeek ke faasalon mein
koee paa ke aakaash ko kho rahaa hai
koee kho ke aakaash ko ro rahaa hai
No comments:
Post a Comment