hairat se tak rahaa hai jahaan-e-vafaa mujhe
tum ne banaa diyaa hai mohabbat mein kyaa mujhe
har manzil-e-hayaat se gum kar gayaa mujhe
murD murD ke raah mein vo teraa dekhanaa mujhe
kaif-e-Khudii ne mauj ko kashtii banaa diyaa
hosh-e-Khudaa hai ab na Gam-e-naaKhudaa mujhe
saaqii bane huye hain vo 'Sagar' shab-e-visaal
is vaqt koii meri kasam dekhataa mujhe
No comments:
Post a Comment