Tuesday, June 29, 2010

aag ho to jalane main dair kitnii lagatii hai


aag ho to jalane main dair kitnii lagatii hai
barf ke pighalane main dair kitnii lagatii hai

chaahe koi ruk jaaye chaahe koi rah jaaye
qaafiloon ko chalne main dair kitnii lagatii hai

chaahe koi jaisaa bhii ham safar ho sadiyoon say
raastaa badalne main dair kitnii lagatii hai

ye to vaqt kay bas main hai ke kitnii mohalat daay
varnaa baKht Dhakne mainn dair kitnii lagatii hai

mom kaa badan lekar dhuup main nikal aanaa
aur phir pighalne main dair kitnii lagatii hai

soch kii zamiino main raaste judaa hoon to
duur jaa nikalne main der kitnii lagatii hai 

No comments:

Popular Posts