Friday, May 14, 2010

ye aur bat teri gali mein na ayen ham

ye aur bat teri gali mein na ayen ham
lekin ye kya k shahar tera chor jayen ham


muddat hui hai ku-e-butan ki taraf gaye
awargi se dil ko kahan tak bachayen ham


shayad baqaid-e-zist ye saat na a sake
tum dastan-e-shauq suno aur sunayen ham


benur ho chuki hai bahut shahar ki faza
tarik raston mein kahin kho na jayen ham


us k bagair aj bahut ji udas hai
'Jalib' chalo kahin se use dhund layen ham

No comments:

Popular Posts