tere daman ki hawa mangte hain
ham bhi jine ki dua mangte hain
mutribo koi achuta nagma
saz ahang-o-sada mangte hain
mah-o-anjum k jharoke aksar
kisi k ariz ki dua mangte hain
phir patangon mein Khudai jagi
shole hashr-numa mangte hain
banda-parwar koi khairat nahin
ham wafaon ka sila mangte hain
maikada ho k kalisa Sagar
sari duniya ka bhala mangte hain
No comments:
Post a Comment