Mujhe Kab Aarzu Thi Ho Mera Anjaam Chupke Se,
Tumhare Dard Ko Hi Aa Gaya Aaram Chupke Se,
Saba, Khushbu Nahi Hai Ye Jise Tum Mushtahar Kar Do,
Saba Le Jao Par Dena Use Paigam Chupke Se,
Udhar Aankhein Mili Humne Idhar Dil De Diya Apna,
Khareeda Dard Chori Se Chukaya Daam Chupke Se,
Main Tere Dhyaan Mein Gum Hoon To Sab Hi Dhyan Rakhte Hai,
Mere Aangan Mein Aati Hai Hamesha Shaam Chupke Se,
Jo Humne Waqt-E-Aakhir, Aakhri Ek Saans Khicha Tha,
Liya Tha Kaanpte Hothone Tera Naam Chupke Se...
No comments:
Post a Comment