mere dil mere musafir
hua phir se hukm sadir
k vatan badar hon ham tum
dein gali gali sadayen
karen rukh nagar nagar ka
k surag koi payen
kisi yar-e-namabar ka
har ek ajnabi se puchen
jo pata tha apne ghar ka
sar-e-ku-e-nashanayan
hamain din se rat karna
kabhi is se bat karna
kabhi us se bat karna
tumhen kya kahun k kya hai
shab-e-gam buri bala hai
hamain ye bhi tha ganimat
jo koi shumar hota
hamain kya bura tha marna
agar ek bar hota
No comments:
Post a Comment