Thursday, May 6, 2010

Koi pooch lay to main kia kahoon usay kia bataoon

Koi pooch lay to main kia kahoon
usay kia bataoon?
yeh roz-o-shab to janum janum pay muheet hain
mairay zakhm zakhm dil-o-nazar
mujhay is janam main nahi milay,
mairay rut-jagay mairay hamsafar
mairay saath aaj nahi chalay,
yeh muheeb-o-jast-e-fikr jo
mairay naqsh naqsh ki rooh hai
koi bay-sabaat bayaan nahi
yeh to aatma'oon ka aks hai
yeh to deotaoon ka dihaan hai
ye to janay kaisi
sadi sadi ki aziyatoon ka giyaan hai
yeh ajeeb mairi muhab'batain
yeh ajeeb mairay gham-o-alam
yeh naseeb sang-e-siyah par
yeh warq warq pay garay qalam
yeh kara hisaar naya nahi
maira intezar qadeem hai
maira us say pyar qadeem hai
yeh ajeeb mairi muhab'batain

No comments:

Popular Posts