kitna sehel jana tha
barishon k mausam mein
sham ka yeh aik manzar
ghar mein qaid kar laina
khushbuon ko chhu laina
roshni sitaron ki
muthhiyon mein bhar laina
kitna sehel jana tha
khushbuon ko chhu laina
jugnuon si baton se
phool jaise aangan mein
roshni si kar laina
uski yad ka chehra, khuabnak aankhon mein
jheel k gulabon per dair tak saja laina
kitna sehel jana tha
ae dil ki khush-fehmi
is tarhan nahi hota
titliyan pakarne ko
door jana parta hai
is tarhan nahi hota
is tarhan nahi hota.......
No comments:
Post a Comment