Jise Bhi Chahte Hai Hum, Wohi Milta Nahi Humko

Jise Bhi Chahte Hai Hum, Wohi Milta Nahi Humko, 

Bichhad Jata Hai Kab Humse Pata Chalta Nahi Humko, 

Dua Jo Maut Ki Maangein To Saansein Aur Bharti Hai, 

Na Jaane Kyon Khuda Tala Bhi Ab Sunta Nahi Humko, 

Ajab Tark-E-Taluk Duniya Walone Kiya Humse, 

Batayein Kya Koi Dushman Bhi Ab Kehta Nahi Humko, 

Hazaron Log Milte Hai Hazaron Sath Chalte Hai, 

Magar Us Ek Chehre Sa Koi Lagta Nahi Humko, 

Khade Hai Raste Mein Hum Uthaye Dastan-E-Gam, 

Guzar Jaate Hai Sab Koi Padhta Nahi Humko, 

Jise Bhi Chahte Hai Hum, Wohi Milta Nahi Humko, 

Bichhad Jaata Hai Kab Humse Pata Chalta Nahi Humko...