Aaj dekh lete hain wusatai'n kaha'n tak hai'n
Dasht aur iss dil ki wehshatai'n kaha'n tak hai'n
Ikk sawaal karte hai'n har qadam pe ruk ruk kar
Dil terey irado'n ki himmatai'n kaha'n tak hai'n
Aa'oo jhanch lete hai'n dard k tarazoo par
Kiss ka gham kaha'n tak hai shiddatai'n kaha'n tak hain
Kuch aziz laugo'n se poochhna to parta hai
Aaj kal mohabbat ki qimatai'n kaha'n tak hai'n
Aik shaam aa ja'oo khul k haal e dil keh lain
Kaun janey sanso'n ki mohlatai'n kaha'n tak hai'n
No comments:
Post a Comment