Friday, April 2, 2010

YoonHi DosH par sanbhalay,ghani zulf kay do-shaanay

YoonHi DosH par sanbhalay,ghani zulf kay do-shaanay

Wuhi saanwali si rangat,wuhi na’in neend waalay

Wuhi man-pasand qaamat,wuhi khush-numaa saraapa

Jo badan mein neem-khawaabi,tou lahoo mein rat-jaga sa



Kabhi pyaas ka samundar,kabhi aass ka jazeera

Wuhi mehrubaan lahja,wuhi mezubaan wateera

Tujhi shaa’iri say raghbat, ussay she’r yaad teray

Wuhi usskay bhi qareenay,jo hain khaas wassf teray



Kisi aur hi safar mein sarr-e-raah mil gai thi

Tujhay aur kyaa bataaoun,wuh teri tarah koi thi

Kisi shahr be-amaan me,main watan badarr akela

Kabhi maut ka safar tha,kabhi zindagi say khaila



Mera jism jaL raha tha,wuh ghataa ka saai’baan thi

Mein rafaqaton ka maara,wuh meri mizaaj daaN thi

Mujhay Dil say uss nay poojaa,ussay JaaN say mein nay chaha

Issi ham-rahii me akher kahin aa geya do-rahaa



Yahan Gumraahi kay amkaaN,ussay rang-o-buu ka lapka

Yahan Laghzishon ka samaaN,ussay Khushbuon nay thapka

Yahan daam thay hazaaron,yahan har taraf qafas thay

Kahin zar zameen ka dal-dal,kahin jaal thay hawas kay



Wuh fazaa ki Faakhita thii,wuh hawaa ki raaj putrii

Kisi ghaat ko na dekha kisi jheel par na utri

Phir ik shaam aesi aai,keh wuh shaam akheri thii

Koi zalzala sa aaya,koi barq sii girii thi



Ajab aandhiyaan chaliin phir,keh bikher gae dil-o-jaan

Na kahin GuL wafa tha,na charagh ahd-o-paemaaN

Wuh jahaaz utar geyaa tha,yeh jjahaaz utar raha hay

Teri aankh mein hain aansoo,mera DiL bikher raha hay



Tuu jahaan mujhay mili hay,wuh wahiin juda hui thii

Tujhay aur kyaa bataaoun,wuh teri tarah koi thi







_________________

No comments:

Popular Posts