Palkon Pay Nami Hay To Kia Meri Hansi Kay Saath

Palkon Pay Nami Hay To Kia Meri Hansi Kay Saath
Mera Hosla To Daikh Meri Bebasi Kay Saath

Thehray Jo Rat-Jagay Hain Meri Aankhon Main
Teri Inaayat Hain Qabool Hain Khushi Kay Saath

Chhuraa Kay Daman Ye Kehna Kay Janntay Hi Nahi
Kia Khoob Tamasha Hay Meri Saadagi Kay Saath

Zakham-e-Dil O Dagh-e-Jigar Jo Teri Inaayat Hain
Rahaingay Hamsafar Meray Meri Zindagi Kay Saath

Shab Ki Tareekiyon Main Kar Kay Mera Tassawwur
Karain gay Aehd-e-Wafa Woh Phir Kisi Kay Saath

Rastay Pukaartay Hain Mujhay Maazi Say Haal Main
Thaamee Hain Ungliyaan Bari Be-Dili Kay Saath