Wednesday, April 28, 2010

kat hi gaye judai bhi kab yeh howa kay mar gaye

kat hi gaye judai bhi kab yeh howa kay mar gaye
tere bhi din guzar gaye mere bhi din guzar gaye

tere liye chale the hum tere liye thehar gaye
too ne kaha to jee uthe too ne kaha to mar gaye

waqt hi kuch judai ka itna taweel ho gaya
dil mein tere wisaal kay jitne the zakhm bhar gaye

hota raha muqabla pani ka aur piyaas ka
sehra umad umad pare darya biphar biphar gaye

woh bhi ghubar-e-khuwab tha ham bhi ghubar-e-khuwab the
woh bhi kahin bikhar gaya ham bhi kahin bikhar gaye

koi kinare aab-e-joo betha huwa hay sar nigon
kishti kidhar chale gaye jane kidhar bhanwar gaye

aaj bhi intizaar ka waqt hanoot ho gaya
aise laga kay hashar tak sare hi pal tehar gaye


barish-e-wasal woh hoe sara ghubar dhul gaya
woh bhi nikhar nikhar gaya hum bhi nikhar nikhar gaye

aab e mooheet-e-ishq ka behar ajeeb behar hay
taire to gharq ho gaye doobe to paar utar gaye

itne qareeb ho gaye apne raqeeb ho gaye
woh bhi adeem dar gaya ham bhi adeem dar gaye

us kay salook per adeem apni hayat-o-mot hay
woh jo mila to jee uthe woh na mila to mar gaye....

No comments:

Popular Posts