Ek Baar Kaho Tum Meri Ho

Ek Baar Kaho Tum Meri Ho
**********************

Ham ghoom chukay basti ban mein
ek aas ki phans liyay man mein
koi sajan ho, koi piyara ho
koi deepak ho, koi tara ho
jab jiwan raat andheri ho

Ek baar kaho tum meri ho

Jab sawan badal chhayay hon
jab phagan phool khilayay hon
jab chanda roop lutata ho
jab sooraj dhoop nahata ho
ya shaam nay basti gheri ho

Ek baar kahoo tum meri ho

Han dil ka daman phela hay
kiun gori ka dil mela hay
ham kab tak peet kay dhokay mein
tum kab tak door jharokay mein
kab deed say dil ko seeri ho

Ek baar kahoo tum meri ho

Kia jhagrda sood khasaray ka
ye kaaj nahi banjaray ka
sub sona ropa lay jayay
sub dunya, dunya lay jayay
tum aek mujhay botehray ho

Ek baar kaho tum meri ho