Ai Dil un Ankhoon per na ja
jin mein wafoor-e-ranj hai
kuch dair ko tere liye
Ansoo agar lehra gaye
yeh chand lamhoon ki chamak
jo tujh ko Pagal ker gai!
In jugnuo'n ke Noor se
chamki hai kab woh zindagi
jis ke muqadar mein rahi
Subh-e-Tlab se Teergi
kis sooch mein gum-sum hai tu
ai be-khabar! nadaa'n na ban
teri fusarda Rooh ko
chah'at ke kantoo'n ki talab
aur us ke daman main faqt
humdardi'on ke phool hein
_________________
No comments:
Post a Comment